З трэцяй суботы верасня па другую нядзелю снежня ў светлы час сутак дазваляецца паляванне на гусака белалобага, гусака гуменніка, гусака шэрага, казарку канадскую. Дапускаецца паляванне ружэйным спосабам з засады, з падыходу, з пад'езда з маламерных судоў з выкарыстаннем гладкаствольнай паляўнічай зброі з патронамі, падрыхтаванымі дробам; паляўнічых сабак усіх парод, акрамя ганчакоў і хартоў; маламерных судоў без рухавіка або з непрацуючым рухавіком, альбо безружейным спосабам з выкарыстаннем лоўчых птушак.
Маладзечанская міжраённая інспекцыя аховы жывёльнага і расліннага свету нагадвае аб неабходнасці захавання патрабаванняў правілаў палявання і бяспекі.
У адпаведнасці з артыкулам 15.37 КоАП Рэспублікі Беларусь, за паляванне без належнага дазволу, альбо ў забароненых месцах, альбо ў забаронены час, альбо забароненымі прыладамі, альбо забароненымі спосабамі – прадугледжана накладанне штрафу ў памеры ад 20 да 50 базавых велічынь з канфіскацыяй прылад палявання і іншых прадметаў, якія з'явіліся прыладай альбо сродкам учынення парушэння ці без канфіскацыі і з пазбаўленнем спецыяльнага права.
Намеснік начальніка
Маладзечанскай міжраённай інспекцыі
аховы жывёльнага і расліннага свету Паўлаў Ст. Ст.