Маладзечанская міжраённая інспекцыя аховы жывёльнага і расліннага свету інфармуе, што з мэтай захавання папуляцыі і стварэння спрыяльных умоў для размнажэння ў перыяд з 1 сакавіка па 15 красавіка на тэрыторыі Мінскай вобласці ўводзіцца забарона на лоўлю шчупака.
Вылаў шчупака падчас перыяду забароны цягне адказнасць: адміністрацыйную ў выглядзе штрафу да 50 базавых велічынь альбо крымінальную, калі прычыненая шкода складзе 100 і больш базавых велічынь. Сума прычыненай шкоды ў перыяд забароны вылічаецца з разліку – 9 базавых велічынь (220,5 рублёў) за 1 асобіну шчупака.