Гэта самы малады з фестываляў, якія заслужаны калектыў праводзіць у малых гарадах. Апоўдні ў кінатэатры "Кастрычнік" Узды адбудзецца канцэрт творчых калектываў аркестра пад назвай "Станіслаў Манюшка на Міншчыне". Ва Уздзенскай дзіцячай школе мастацтваў пройдзе майстар-клас маэстра Міхаіла Фінберга, запланавана таксама выступленне творчых калектываў "Перадаём эстафету юным талентам".
Вечарам паклоннікаў эстраднай музыкі аркестр запросіць у раённы Дом культуры на канцэрт "Песні і музыка - добрым сябрам", прысвечаны 70-годдзю з дня нараджэння народнага артыста Расіі Валерыя Лявонцьева. Самыя вядомыя творы з яго рэпертуару выканаюць салісты заслужанага калектыву - лаўрэаты міжнародных і рэспубліканскіх конкурсаў: Наталля Тамела, Алеся Дзержавец, Яўген Цымбаліст, Ульяна Пяшкова, Галіна Грамовіч, Аляксандр Салаўёў, Дзмітрый Качароўскі, Таццяна Глазунова.
"Мы заўсёды з вялікай адказнасцю рыхтуемся да сустрэч з нашымі паклоннікамі ў малых гарадах. Для іх і для нас гэта сапраўды падзея і свята. Упэўнены, мы зноў не расчаруем нашага гледача", - адзначыў Міхаіл Фінберг.
Крыніца: minsk-region.gov.by