Цэнтр будзе дзейнічаць на базе аддзялення паліятыўнай медыцынскай дапамогі Рэспубліканскага клінічнага шпіталя інвалідаў Вялікай Айчыннай вайны імя П. М. Машэрава. Тут разгорнута шэсць паліятыўных ложкаў для гэтай катэгорыі пацыентаў. У цэнтры плануецца аказваць медыцынскую дапамогу пацыентам, якія маюць рэабілітацыйны патэнцыял. Гэта дазволіць весці паўнавартасную рэабілітацыю, распрацоўваць новыя методыкі і падыходы да медыцынскага паліятыўнага лячэння і спрыяць аднаўленню пацыентаў.
Зараз усе работы па рамонце памяшканняў, аснашчэнні іх неабходным абсталяваннем, навучанню і падрыхтоўцы медыцынскага персаналу завершаны.
Цэнтр дапамогі пацыентам пасля ДТЗ створаны з прыцягненнем спонсарскай дапамогі з боку мясцовага дабрачыннага фонду "Бяспечныя дарогі", які адной з задач ставіць садзейнічанне ў аказанні медыцынскай дапамогі ахвярам дарожна-транспартных здарэнняў. З'яўленне фонду стала магчыма дзякуючы мемарандуму аб узаемаразуменні па пытаннях далейшага развіцця дарожнай бяспекі ў Беларусі, падпісанага ў 2016 годзе з Вялікабрытаніяй.
Сумесны праект па аснашчэнні і функцыянаванні цэнтра для дапамогі цяжкім пацыентам пасля ДТЗ з'яўляецца найважнейшым прыкладам паспяховага развіцця дзяржаўна-прыватнага партнёрства і не мае аналагаў у Беларусі.
Крыніца: minsk-region.gov.by