Першы этап пройдзе па 20 сакавіка ў месцах масавага знаходжання людзей. У кінатэатрах, гандлёвых цэнтрах, на спартыўных аб'ектах ратавальнікі арганізуюць інтэрактыўныя пляцоўкі. Асноўныя правілы бяспекі, алгарытм дзеянняў у выпадку надзвычайных здарэнняў, выкліку ратавальнікаў змогуць ўспомніць не толькі дзеткі, але і дарослыя. Усе ўдзельнікі акцыі для замацавання ведаў атрымаюць яркую наглядна-выяўленчую прадукцыю - буклеты, налепкі, закладкі, календары. Таксама ратавальнікі правядуць «урокі бяспекі» ў школах.
На другім этапе, які пройдзе з 21 па 31 сакавіка, работнікі МНС арганізуюць мерапрыемствы ў сельскіх населеных пунктах. Там можна будзе паўдзельнічаць у майстар-класах, тэматычных інтэрактыўных пляцоўках і конкурсах, сфатаграфавацца ў моднай фотазоне ад МНС, а самыя актыўныя атрымаюць падарункі. У гарадах і абласных цэнтрах будзе арганізавана пляцоўка «Бяспечны двор», дзе неабыякавыя да свайго здароўя людзі ў фармаце квэст-гульняў, а таксама тэматычных дыскатэк змогуць больш даведацца пра бяспеку, прафілактыку НС і дзеянні ў выпадку эвакуацыі.