У падзеі прыняла ўдзел 5 каманд па 6 чалавек – прадстаўнікі раённых арганізацый і ўстаноў: маладзёжныя зборныя цэнтральнай раённай бальніцы, Валожынскага прафесіянальнага сельскагаспадарчага ліцэя, раённага цэнтра гігіены і эпідэміялогіі, старшакласнікі і настаўнікі Івянецкай сярэдняй школы і вучні гімназіі № 1 г. Валожына.
Гульня прайшла па добра знаёмым ўсім правілах: знаўцы адказваюць на пытанне, ім даецца хвіліна для калектыўнага абмеркавання. Калі адказ аказваецца верным, каманда атрымлівае балы. Асноўная тэматыка турніра – Год малой радзімы. Шэраг пытанняў быў прысвечаны Валожыншчыне, гістарычным каштоўнасцям раёна, турыстычным месцам, знакавым датам. Паспаборнічалі і ў эрудыцыі: знаўцы паказалі веды ў розных галінах – ад гісторыі да геаграфіі. Прайшоў і творчы конкурс, на якім удзельнікі зрабілі тэматычныя фотаздымкі і прадставілі іх на суд журы.
Галоўны прыз – традыцыйную саву і дыплом пераможцы – атрымала каманда медыкаў. Другое месца занялі ліцэісты, а трэцяе месца дасталася камандзе з Івянца. Мерапрыемства прайшло весела, цікава і пазнавальн
