Самая вялікая колькасць бытавых узгаранняў зафіксавана на аб'ектах прыватнага сектара, дзе адказнасць за выкананне правіл бяспекі ўскладзена на самога ўласніка. Немалаважным фактам з'яўляецца тое, што ў больш чым 40% выпадкаў, пажаранебяспечныя сітуацыі ўзнікаюць на фоне злоўжывання алкаголем і курэння ў ложку ў нецвярозым стане. Нямала пажараў узнікае і па прычыне дзіцячых свавольстваў.
Напярэдадні вялікіх выхадных ратавальнікі чарговы раз заклікаюць больш адказна выконваць правілы пажарнай бяспекі, быць пільней і памятаць, што пажар нашмат прасцей прадухіліць, чым патушыць. Не пакідайце дзяцей без нагляду, не паліце ў ложку, выконвайце інструкцыі па эксплуатацыі бытавой і іншай тэхнікі, не карыстайцеся прыборамі з пашкоджанай ізаляцыяй электрапровадаў, выконвайце правілы пажарнай бяспекі пры развядзенні вогнішчаў і карыстанні мангаламі.
У выпадку пажару ці іншай надзвычайнай сітуацыі тэлефануйце па тэлефонах 101 або 112. Хай выхадныя пройдуць бяспечна!