Гісторыя пажарна-прыкладнога спорту сыходзіць сваімі каранямі ў пачатак ХХ стагоддзя. Годам заснавання прынята лічыць 1937 год. За мінулыя амаль восем дзясяткаў гадоў спорт мяняўся, удасканальваўся, бурна развіваўся і заняў сваё годнае месца ў плеядзе самых відовішчных відаў спорту.
У Валожыне прайшло раённае першынство па пажарна-выратавальным спорце сярод юнакоў і дзяўчат. Прыняць удзел у спаборніцтвах сабраліся самыя актыўныя і спартыўныя хлопцы. У пераадоленні 100-метровай паласы з перашкодамі не было роўных Вайтовічу Марату з сярэдняй школы №2, а ва ўздыме па штурмавой лесвіцы ў акно другога паверха лепшым стаў Балашка Яраслаў з той жа школы. Дзяўчынкі таксама паказалі добрыя вынікі: Лоўчая Дыяна (сярэдняя школа №2) апынулася самай хуткай на 100-метровай паласе, а Пашкоўская Вікторыя з сярэдняй школы №1 хутчэй за астатніх паднялася па штурмавой лесвіцы. У камандным заліку лепшай стала каманда з сярэдняй школы №2 г.Валожына. Гэтыя хлопцы і прадставяць Валожынскі раён на абласных спаборніцтвах.
