На злёце сабраліся самыя актыўныя і творчыя хлопцы, каб паказаць свае веды і ўменні ў галіне бяспекі. Нават прагнозы сіноптыкаў іх не спалохалі. Сваім выдатным настроем і велізарным жаданнем паказаць усё, што яны ўмеюць, юныя ратавальнікі на час разагналі ўсе хмары, і ўвасобілі ўсе задуманыя планы.
А праграма злёту была насычаная. Адразу пасля адкрыцця юныя ратавальнікі прыступілі да самага цікавага этапу спаборніцкай праграмы – палявыя вучэнні. Хлопцам трэба было патушыць пажар, выратаваць чалавека з задымленага памяшкання, аказаць дапамогу тапельцу, вывесці людзей з зоны заражэння хімічна-небяспечным рэчывам, правесці пошукава-выратавальныя працы пры падзенні верталёта. Тут роўных не было камандзе з Гарадзькоўскага вучэбна-педагагічнага комплексу. Дарэчы гэтая каманда ўжо другі год запар займае першае месца ў дадзеным этапе.
Затым суддзі вызначылі самую творчую каманду ў конкурсе «Візітная картка». Ёй апынулася каманда сярэдняй школы №2 г. Валожына. А крыху перадыхнуўшы, прыступілі да музычнага конкурсу «Хіт бяспекі». Тут камандам неабходна было прадставіць пераробленую сучасную песню на зададзеную тэму. Па адзінагалоснай думцы журы самымі музычнымі апынуліся хлопцы сярэдняй школы №2 г. Валожына. Самымі крэатыўнымі ў конкурсе «Фатаграфія» сталі хлопцы з Дорскага вучэбна-педагагічнага комплексу.
Па выніках усёй конкурснай праграмы месцы размеркаваліся наступным чынам:
1 месца - ДУА «Сярэдняя школа №2 г. Валожына»;
2 месца - ДУА «Дорскі ВПК дзіцячы сад-сярэдняя школа»;
3 месца - ДУА «Суднікоўская сярэдняя школа».
Пераможцы прадставяць Валожынскі раён на абласным палявым лагеры «Юны выратавальнік», які пройдзе з 11 па 14 ліпеня. Жадаем ім удачы!
