Адрас:

222357, г. Валожын, пл. Свабоды, 2

Тэлефон прыёмнай:

+375 (1772) 5-55-72

Рэжым работы:

з 8.30 да 13.00 і з 14.00 да 17.30 па буднях

гарачая лінія: +375 (1772) 5-55-72

Лідар з Дораў

16.08.2019

Вучаніца 5 класа Дорскага вучэбна-педагагічнага комплексу дзіцячы сад-сярэдняя школа Софія НОВІК стала лепшай у намінацыі “Мэтанакіраванасць”.

Сярод аднакласнікаў, 3 хлопчыкаў і 6 дзяўчынак, Софія – лідар: сваім прыкладам умее арганізаваць, зацікавіць, павесці за сабой. Стараста класа і правая рука настаўніка. Вельмі адказная, дысцыплінаваная, актыўная, дапытлівая, прымае ўдзел ва ўсіх конкурсах і робіць гэта, як падкрэсліваюць настаўнікі, ад душы. І ўжо мае заслужаныя ўзнагароды: дыплом 3-й ступені ў раённым конкурсе “Я даследчык”, 3-е месца ў абласной дыстанцыйнай алімпіядзе па рускай мове і раённай – па Правілах дарожнага руху.

Кола яе інтарэсаў досыць разнастайнае. Дзяўчынка наведвае мясцовую школу мастацтваў: вучыцца бісерапляценню, маляванню, выпальванню і танцам. Любіць падарожнічаць і вывучаць гісторыю: пасля кожнай такой паездкі яе перапаўняюць прыемныя хвалюючыя эмоцыі, а штосьці новае і цікавае становіцца тэмай для размоў як у школе, так і дома. Два разы на тыдзень – у аўторак і пятніцу – Софія разам з бацькамі наведвае Івянецкі касцёл: паспяхова здала неабходныя экзамены і была дапушчана да першай камуніі.

У сям’і – яна адзіная ўсеагульная любіміца. Бацька Алег Мар’янавіч і маці Кацярына Васільеўна ганарацца дачкой, радуюцца поспехам, а дзядуля Васіль – увогуле найлепшы сябар, якому яна давярае ўсе сакрэты. Цешацца ўнучкай, клапоцяцца, падтрымліваюць і дзядуля з бабуляй з Дубоўцаў.

Ёсць спадзяванні, што і ў далейшым Софія Новік сваімі дасягненнямі будзе праслаўляць родную школу і дорскую зямлю.