Падводзіць вынікі працы, называць імёны лепшых па прафесіі стала нашай штогадовай добрай традыцыяй. Яна падкрэслівае імкненне жыхароў раёна да мірнага стварэння на роднай зямлі. Праца аб’ядноўвае людзей розных пакаленняў, прафесій, поглядаў – усіх, хто ўмацоўвае эканамічны патэнцыял сваёй малой радзімы і стварае яе заўтрашні дзень.
Валожыншчына славіцца выдатнымі працоўнымі ініцыятывамі, майстрамі і спецыялістамі. З кожным годам прыгажэйшымі становяцца горад і нашы вёскі, развіваецца сацыяльная сфера. Усё гэта – заслуга кожнага чалавека, вынік агульнай штодзённай, карпатлівай працы.
Дарагія землякі! Вашы поспехі і дасягненні ствараюць нашаму рэгіёну добры аўтарытэт, дапамагаюць стабільна развівацца. Дзякуем усім за прафесіяналізм – ветэранам і тым, хто толькі пачынае рабочую біяграфію, хто дастойна працаваў раней і сёння накіроўвае сілы і здольнасці на карысць роднай зямлі!
Шчыра жадаем вам вясновага настрою, бадзёрасці і здароўя, поспехаў ва ўсіх добрых пачынаннях на карысць Беларусі і любімай Валожыншчыны!
Старшыня раённага
выканаўчага камітэта
Я. М. КРУКОВІЧ,
старшыня раённага
Савета дэпутатаў
П. І. БІБІК