Интернет-ресурсы

Пятница, 10 Август 2018 15:37

ЗНОЎ СЯРОД ЛІДАРАЎ

 

За дасягнутыя высокія вынікі ў ходзе ўборкі ўраджаю камбайнеры КУП “Сівіца” бацька і сын Генадзій Сільвестравіч і Дзмітрый Генадзьевіч ЧЫШЭВІЧЫ ўзнагароджаны пісьмом з падзякай начальніка ўпраўлення сельскай гаспадаркі і харчавання У. С. Чычкіна і старшыні раённага камітэта прафсаюза работнікаў АПК В. С. Гідлеўскага. Працаўнікам уручаны таксама каштоўныя падарункі.

Старэйшы Чышэвіч на ўборцы 19-ы сезон. Дзесяць гадоў таму стаў адзіным механізатарам у раёне, чый намалот склаў 2000 тон. Апошнія гады яго пастаянная пасада – інжынер па працаёмкіх працэсах, займаецца абслугоўваннем абсталявання ферм. Аднак падчас жніва ён зноў і зноў садзіцца ў кабіну свайго “Лексіёна-540”, каб шчыра змагацца за кожную тону зерня, якое ў гэтым неспрыяльным для раслінаводства годзе літаральна на вагу золата. 

Інжынерам на прадпрыемстве “Івянецкая птушка” працуе 22-гадовы Дзмітрый. Роднай гаспадарцы малады спецыяліст дапамагае па дагаворы. Сямейны дуэт разам з калегамі (усяго на палях працуюць шэсць экіпажаў) выдатна паказаў сябе на ўборцы азімых культур – рапсу, жыта, пшаніцы, трыцікале. Зараз заканчваюць жаць ячмень. Калі надвор’е не сапсуецца, у бліжэйшыя дні ўборка будзе завершана. Як адзначыў галоўны аграном сельгаспрадпрыемства Леанід Уладзіміравіч Ахрэм, на палях засталося каля 24% культур. Гэта авёс, яравая пшаніца, зернебабовыя.

Валянціна КРАЎНЕВІЧ

Прочитано 22 раз

Погода в Воложине

© 2008 - 2013 Воложинский районный исполнительный комитет
E-mail: Этот адрес электронной почты защищен от спам-ботов. У вас должен быть включен JavaScript для просмотра.
222357, г.Воложин, пл. Свободы, 2, тел. 8 (017-72) 55-57-2

О САЙТЕ | КАРТА САЙТА | КОНТАКТ

Яндекс.Метрика

Разработка и поддержка сайта:
УП «Минская волна» , тел. (017) 222-23-53 
E-mail: Этот адрес электронной почты защищен от спам-ботов. У вас должен быть включен JavaScript для просмотра.