Интернет-ресурсы

Среда, 10 Октябрь 2018 12:10

ВЫНІКОВАСЦЬ ІХ ПРАЦЫ – ПАГАЛОЎЕ СТАТКАЎ

На базе ТАА “Адамова-агра” прайшоў раённы конкурс прафесійнага майстэрства сярод аператараў штучнага асемянення. Падобнае мерапрыемства праводзіцца кожны год, яго мэта – павышэнне прэстыжу сельгасспецыяльнасці, ад якой залежыць павелічэнне статкаў і, як вынік, аб’ёмы вытворчасці мяса і малака.

Работу сямнаццаці аператараў ацэньвалі галоўны ветурач РУСП “Мінскае племпрадпрыемства” Уладзімір Мікалаевіч Шаўкун, дырэктар Валожынскага філіяла Валянціна Іванаўна Юкавец, галоўны заатэхнік упраўлення сельскай гаспадаркі і харчавання райвыканкама Наталля Аляксееўна Ушацкая, намеснік галоўнага ветурача Валожынскай райветстанцыі Міхаіл Міхайлавіч Шаўлюк. Конкурсная праграма складалася з практычнай часткі і тэставых заданняў. Як адзначылі члены журы, тройка лідараў вызначылася амаль адразу, а вось каму дастанецца галоўны прыз, стала вядома толькі пасля таго, як былі падлічаны ўсе балы.

У выніку на першым месцы аказаўся прадстаўнік СГУ “Бабровічы” УП “Мінаблгаз” Леанід Канстанцінавіч Шарко, на другім – Зінаіда Збігнеўна Тарайковіч з ААТ “Суднікаўскі”, на трэцім – Таццяна Іванаўна Бычкоўская з КСУП “Пяршаі-2014”. Кожнаму з іх былі ўручаны каштоўныя падарункі. Старшыня РК прафсаюза работнікаў АПК Віктар Станіслававіч Гідлеўскі ўзнагародзіў таксама Яніну Уладзіміраўну Сліж з ААТ “Багданаўскае”. Жанчына аддала няпростай справе больш за 25 гадоў жыцця. За лепшы пункт штучнага асемянення прыз дастаўся Марыі Андрэеўне Целяжэвіч з КСУП “Падбярэззе”. Падарункам адзначана і праца маладога, але перспектыўнага аператара – Міхаіла Іванавіча Сяўрука з Суднікаў.
Валянціна КРАЎНЕВІЧ,
фота аўтара

Прочитано 93 раз

Погода в Воложине

© 2008 - 2013 Воложинский районный исполнительный комитет
E-mail: Этот адрес электронной почты защищен от спам-ботов. У вас должен быть включен JavaScript для просмотра.
222357, г.Воложин, пл. Свободы, 2, тел. 8 (017-72) 55-57-2

О САЙТЕ | КАРТА САЙТА | КОНТАКТ

Яндекс.Метрика

Разработка и поддержка сайта:
УП «Минская волна» , тел. (017) 222-23-53 
E-mail: Этот адрес электронной почты защищен от спам-ботов. У вас должен быть включен JavaScript для просмотра.