Сёння многія людзі мяняюць мэблю, бытавую тэхніку на больш новую, сучасную. Некаторыя прадаюць старыя рэчы, а некаторыя хацелі б іх аддаць, але не ведаюць каму.
ДУ «Валожынскі тэрытарыяльны цэнтр сацыяльнага абслугоўвання насельніцтва» аб’яўляе пра пачатак дабрачыннай акцыі «З рук у рукі», якая будзе праходзіць на працягу года.
Жыхары раёна могуць перадаць дабротныя, але непатрэбныя рэчы і мэблю (у тым ліку дзіцячыя каляскі, ложкі), бутавую тэхніку, дзіцячае адзенне і цацкі. Гэтыя рэчы будуць перадавацца малазабяспечаным, шматдзетным сем’ям, інвалідам, а таксама сіротам, якія скончылі навучальныя ўстановы і толькі пачынаюць самастойнае жыццё.
Супрацоўнікі цэнтра чакаюць усіх жадаючых.
Запрашаем усіх паўдзельнічаць у акцыі!
За даведкамі звяртайцеся з 8.00 да 17.00 у будзённыя дні.
Кансультацыю па перадачы рэчаў таксама можна атрымаць па тэлефоне: 58-2-35.