Воложинский районный
исполнительный комитет

Мерапрыемства, якое адбылося 20 лютага, было прысвечана Міжнароднаму дню роднай мовы. На імправізаваны ўрок беларускай мовы запрасілі вучняў 8-га “А” класа гімназіі №1 разам з настаўніцай Наталляй Віршыч. А на сустрэчу з гімназістамі прыйшлі члены народнага літаратурна-мастацкага аб’яднання “Рунь” раённага цэнтра культуры: Марыя Шакун, Соф’я Русецкая і Галіна Радына-Марцінкевіч. Паэткі чыталі свае вершы, шмат разважалі пра родную мову, якую трэба шанаваць, пра важкасць слова, якое мае вялікую сілу. Да Міжнароднага дня роднай мовы ў бібліятэцы аформлена выстава “Звіні, мая родная мова”. На ёй прадстаўлены кнігі па мовазнаўству, творы паэтаў Валожыншчыны. У рубрыцы “Аўтограф на памяць” – кнігі пісьменнікаў і паэтаў, якія ў розныя часы пабывалі на сустрэчах у бібліятэцы, з аўтографамі.