Падведзены вынікі традыцыйнага раённага конкурсу “Маладыя галасы”, які штогод ладзіць народнае літаратурна-мастацкае аб’яднанне “Рунь” Валожынскага РЦК пры падтрымцы аддзела ідэалагічнай работы, культуры і па справапх моладзі райвыканкама. Канкурсанты ва ўзросце да 18 гадоў прадстаўлялі на суд журы свае творы па чатырох тэмах, па выбару: “Вашай памяццю гэта помнім мы” (да 70-годзя вызвалення Беларусі ад нямецка-фашысцкіх захопнікаў), “Я пра старонку любую пяю”, “Чароўная мелодыя кахання”, “І смех, і грэх…” .
Пераможцамі па першай тэме сталі: пяцікласнік ДУА “Пяршайскі навучальна-педагагічны комплекс дзіцячы сад-сярэдняя школа” Мікалай Калясінскі (1- е месца), вучаніца 8 класа гэтай жа навучальнай установы Аляксандра Дубатоўка (2-е месца) і натрэцім месцы яе равесніца з ДУА “Пугачоўскі вучэбна-педагагічны комплекс дзіцячы сад-сярэдняя школа” Ганна Алейнікава. Дыпломам першай ступені адзначана і эсэ “Рубцы на сэрцы” вучня 11 “Б” класа Івянецкай сярэдняй школы Сяргея Паплаўскага.
Ён жа святкаваў перамогу сярод канкурсантаў, якія абралі тэму “Я пра старонку любую пяю”. А Ірына Багдановіч ( 8 “В” кл., Івянецкая СШ), і Ірына Жабко (11кл. ДУА Багданаўскі вучэбна-педагагічны комплекс дзіцячы сад-сярэдняя школа”) занялі адпаведна 2-е і 3-е месцы.
Сярод аўтараў твораў пра каханне дыпломам 1-й ступені адзначаны васьмікласнік СШ №2 г.Валожына Яўген Рубацкі, дыпломам 2- степені – яго равесніца з Яршэвіцкай школы-сада Вікторыя Такушэвіч, а Ірына Жабко з Багданава атрымала яшчэ адзін дыплом трэцяй ступені.
Як высветлілася, Ірына Жабко і Сяргей Паплаўскі пішуць не толькі лірычна-патрыятычныя творы, але і ўмеюць жартаваць. Менавіта іх сатыра і гумар журы назвала лепшымі. У выніку Сяргей нажартаваў сабе першае, а Ірына 2-е месцы.
Адзначаны і пазаконкурсны верш “Маме” вучаніцы 6 “Б” класа Івянецкай сярэдняй школы Дашы Бібік.
Усе названыя канкурсанты атрымалі адпаведныя дыпломы аддзела ідэалагічнай работы, культуры і па справапх моладзі Валожынскага райвыканкама і сувеніры. Іх творы будуць надрукаваны ў раённай газеце “Працоўная слава”, іншых выданнях, а з часам увойдуць у чарговы калектыўны зборнік пераможцаў раённага конкурсу “Маладыя галасы”.