Воложинский районный
исполнительный комитет

          У  творчы  марафон    “Дарогамі  вызвалення”,  які  праходзіць  па  ініцыятыве  аддзела  ідэалагічнай  работы,  культуры  і  па  справах  моладзі  Валожынскага  райвыканкама,  уключыліся  і  ўдзельнікі    народнага  літаратурна-мастацкага  аб’яднання  “Рунь”  раённага  Цэнтра  культуры.    Першымі  іх  віталі  ў  Адамоўскім  сельскім  Доме  культуры.  Рунеўцы  дарылі  гледачам  толькі    ўласныя  вершы      і  песні  толькі  на  іх  словы,  напісаныя  як  самімі,  так  прафесійнымі  кампазітарамі.    Адметным,  шчырым  вітаннем  вяскоўцам  сталі  верш  Марыі  Шакун,  які  так  і  называецца  –  “Вітанне”  і  песня  “Вёсачка-матулечка”  (  сл.В.Гіруць-Русакевіч,муз.  Я.Харук)  ,  якую  так  прыгожа  і  шчыра  выканала  салістка  РЦК  Аляксандра  Рэут.
        Хвалююча  і  трывожна  гучалі  песні  “Без  весткі”  і  “Над  спаленай  вёскай”  на  вершы  Зінаіды  Гасціловіч  у  выкананні  яе  брата  аўтара  музыкі    Дзмітрыя  Краскоўскага,  “Салдату”  –  у  аўтарскім  выкананні  пад  гармонік  Станіслава  Пупко.    На  вялікі  жаль  і  сынам  ветэранаў  Вялікай  Айчыннай  давялося  ваяваць  --    на  чужой  вайне,  на  чужой  зямлі,  у  далёкім  Афганістане.  “Афганская  в’юга”  –  так  называецца  песня,  якую  напісаў  і  выканаў  Дзмітрый  Завацкі.
          Гімнам  міру  і  жыццю,  любай  старонцы    прагучалі  верш  загадчыцы  Адамоўскай  бібліятэкі  Людмілы  Садоўскай  “Берегите  мир”  ,    песні  Зінаіды  Гасціловіч  і  Дзмітрыя  Краскоўскага  “Жыццё  за  ўсё  даражэй”  ,  “Вот  моё  село”  і  “Мой  Воложинскй  край”  Станіслава  Пупко.
          Сваёй  матулі  і  ўсім  матулям  у  зале  прысвяціла  свае  творы  Наталля  Жызнеўская.  Не  абыйшлі  ўвагай  і  вечнай,  такой  хвалючай  тэмы  кахання.  Дзмітрый  Завацкі  выканаў  уласную  песню  “Зелёные  глаза”  і  “Дорогі”  на  словы  былога,  на  жаль,    рунеўца  Мікалая    Палякова  .  На  яго  ж  словы  прагучала  і  песня  “Как  снег  на  голову”  (муз.А.Елісеенкава)  ў  выкананні  яшчэ  адной  салісткі  РЦК  Ірыны  Зянько.  Песні  перамяжоўваліся  вершамі  удзельнікаў  аб’яднання  ў  аўтарскім  выкананні  і  выкананні  сяброў  па  творчай  суполцы.
              Вяскоўцы  шчыра  аддзячылі  нас  дружнымі  апладысментамі  і  кветкамі.  А  мы  гэтак  жа  шчыра  ўдзячны  людзям  зямлі  Адамоўскай  за  такі  цёплы  прыём.