Жыццё кожнага чалавека - гэта бясцэнны дар. Аднак існуе нямала небяспечных сітуацый, якія не толькі псуюць, але і адбіраюць жыццё. Справіцца сваімі сіламі, у адзіночку, у такіх абставінах вельмі цяжка, а часам немагчыма. І тады паступае трывожны званок у падраздзяленне МНС, якое на сённяшні дзень гатова выконваць самыя разнастайныя задачы: ліквідаваць пажары і іншыя НС, ратаваць пацярпелых, разбіраць завалы, ліквідаваць хімічна-небяспечныя рэчывы і многае іншае. Менавіта ў гонар гэтых людзей 19 студзеня ў нашай краіне адзначаецца День Выратавальніка. Баявая праца ратавальнікаў - гэта самаадданая, цяжкая праца і пастаянная рызыка. Заступаючы на дзяжурства, яны не ведаюць, што ім прыгатаваў лёс. Прафесія выратавальніка патрабуе быць рашучым, смелым, цягавітым і заўсёды быць гатовым да выканання задач.
Менавіта ў гонар гэтых выдатных людзей навучэнцы 8 “А” класа Івянецкай сярэдняй школы Валожынскага раёна правялі прафарыентацыйнае мерапрыемства “Прафесія – выратавальнік”. На мерапрыемстве прысутнічалі работнікі МНС, для якіх барацьба з агнём і выратаванне людзей стала справай усяго жыцця, - начальнік варты ПАВЧ -1 горада Валожына Чуйко Віктар Казіміравіч і камандзір аддзялення ПАСП -16 г.п Івянец Лукашык Сяргей Тадэвушавіч. Гэта вопытныя людзі, сапраўдныя майстры сваёй справы, яны распавядалі аб асноўных і вельмі важных нюансах прафесіі работніка МНС, паказалі на ўласным прыкладзе, якімі практычнымі навыкамі павінен валодаць выратавальнік. На працягу сутак - а гэта працягласць працоўнай змены - ім даводзіцца быць у пастаянным чаканні сігналу трывогі. Калі нехта патэлефанаваў па тэлефоне 101 і паклікаў на дапамогу, то званок паступае ў цэнтр аператыўнага кіравання, на якім кругласутачна нясуць службу работнікі МНС. Ратавальнікі павінны маментальна сабрацца, а на гэта сыходзіць прыблізна 1 хвіліна, і дабрацца да месца здарэння. На надзвычайныя сітуацыі работнікі МНС выязджаюць з усім неабходным, бо без спецыяльнага абсталявання іх праца будзе не толькі неэфектыўнай, але і з рызыкай для жыцця. Таму пажарная машына напоўнена розным абсталяваннем. Для працы ў задымленым памяшканні выкарыстоўваюцца дыхальныя апараты з кіслароднымі балонамі, каскі, а каб аказаць неадкладную дапамогу – медыцынская аптэчка. І ўсё гэта толькі частка таго, што можа спатрэбіцца для выратавання людзей. Што б не адбывалася ў жыцці работніка МНС, выратаванне чужога заўсёды стаіць вышэй. Асноўнымі задачамі людзей, якія стаяць на абароне нашага спакою, - уменне пастаянна вучыцца, дакладна выконваць загады, супрацоўнічаць з калектывам і працаваць у складаных умовах.
Прафесія выратавальніка - гэтая праца для людзей мужных, моцных, рашучых, гатовых рызыкаваць уласным жыццём, дапамагаючы людзям у бядзе. На школьным мерапрыемстве прагучалі дзіўныя радкі з песні “Гімн ратавальнікаў МНС”, якія не пакінулі абыякавым ні адно дзіцячае сэрца.
Калі рыхтавалася вышэйназванае мерапрыемства, у нас ўзнікала боязь, што нешматлікія зацікавяцца тэмай МНС. Але якая была радасць, калі мы ўбачылі вялікую колькасць гледачоў, якія з цікавасцю сачылі за працэсам мерапрыемства, якія актыўна ўдзельнічалі ў разнастайных конкурсах і віктарынах. Вельмі важна тое, што большасць з іх былі дзеці, для якіх, магчыма, прадстаўленая інфармацыя падавалася ўпершыню і была асабліва карысная, паслужыла ім мудрым урокам. Мы вельмі спадзяемся, што акрамя інфармацыйнага, мерапрыемства мела вялікае прафарыентацыйнае значэнне. Бо тыя школьнікі, якія ўдзельнічалі і прысутнічалі на ім, значна больш даведаліся аб такой патрэбнай і важнай прафесіі выратавальніка і, магчыма, выберуць яе сваім далейшым лёсам.
Вялікі дзякуй мы гаворым работнікам Валожынскага раённага аддзела па надзвычайных сітуацыях Чуйко Віктару Казіміравіч і Лукашык Сяргею Тадэвушавічу, якія прымалі ўдзел у нашым мерапрыемстве.
Івянецкая СШ
Балбачан Лізавета і Дзядзейка Ксенія, 8 «А» клас