У рамках другога этапу акцыі «Бяспека ў кожны дом!» у дзяржаўнай установе адукацыі «Валожынскі сельскагаспадарчы прафесійны ліцэй» было праведзена мерапрыемства, падчас якога ратавальнікі распавялі ліцэістам аб правілах, якія яны павінны выконваць, каб засцерагчы сябе і тых, хто знаходзіцца побач. Асабліва спадабалася научэнцам спаборнічаць у надзяванні баявой вопраткі ратавальнікаў. Кожны хацеў улажыцца ў той час, як адводзіцца сапраўдным пажарным. У некаторых нават атрымалася. Прагледжаныя відэафільмы яшчэ напомнілі ліцэістам аб правілах бяспекі.
Віктарына, праведзеная па выніках гутаркі, дазволіла ацаніць тое, наколькі прысутныя засвоілі ўвесь матэрыял. Хочацца адзначыць, што вынікі арганізатараў парадавалі. Значыць у ліцэі з бяспекай будзе ўсё добра.