У мэтах забеспячэння якаснага функцыянавання ўстаноў адукацыі, спорту і турызму Валожынскага раёна ў 2017/2018 навучальным годзе, работнікамі Валожынскага раённага аддзела па надзвычайных сітуацыях быў прыняты ўдзел у рабоце міжведамаснай камісіі па праверцы гатоўнасці да новага навучальнага года. У ходзе правядзення праверкі найбольш частай заўвагай была няспраўнасць першасных сродкаў пажаратушэння. Па меры магчымасці заўвагі былі ліквідаваны на месцы.
Вынікі праведзенай работы былі падведзены на інструктыўна-метадычнай нарадзе з кіраўнікамі ўстаноў адукацыі раёна. З работнікамі ўстаноў адукацыі, спорту і турызму была праведзена прафілактычная гутарка.
