Паведамленне аб пажары паступіла ў цэнтр аператыўнага ўпраўлення Валожынскага РАНС 1 снежня ў 19 гадзін 20 хвілін. Выратавальнікі на сігнал зрэагавалі хутка, але калі прыбылі на месца здарэння, то будынак ужо быў ахоплены адкрытым полымем. У прыхожай ляжаў труп жанчыны. Пры далейшым аглядзе пажарныя ўстанавілі, што найбольш актыўна агонь бушаваў у спальні, дзе цалкам згарэў ложак.
Суседзі растлумачылі: загінуўшая перыядычна ўжывала спіртныя напіткі, курыла ў доме. Па папярэдняй версіі, прычынай пажару стала непатушаная цыгарэта. Вядома, што гаспадыня мела сужыцеля, але акурат у дзень трагедыі ён паехаў у Мінск. Былі ў жанчыны і дзеці – сын і дачка, якія неаднаразова папярэджвалі маці аб небяспецы курэння ў ложку. Да разумных довадаў яна не прыслухвалася, і відавочная трагедыя адбылася.
Сёлета спіс загінуўшых на пажарах у раёне ўжо дасягнуў 9-і ахвяр.
Алена ЗБІРЭНКА