Начальнік Валожынскага раённага аддзела па надзвычайных сітуацыях Аляксандр Сівы наведаў працоўны калектыў МТФ «Залессе» КСУП «Валожынскі».
У пачатку выступлення Аляксандр Ігаравіч давёў прысутным аператыўнае становішча з пажарамі на тэрыторыі раёна і вобласці, прывёў прыклады апошніх пажараў, а таксама выпадкі гібелі людзей на пажарах у бягучым годзе, прааналізаваў асноўныя прычыны ўзнікнення пажараў. Пасля гэтага галоўны выратавальнік раёна перайшоў да абмеркавання мер бяспечных паводзін, а таксама захавання правілаў пажарнай бяспекі.
- Кожны з нас павінен памятаць і ведаць пра тое, што бяспека ў нашым жыллі і на працоўным месцы залежыць ад нас саміх. Таму ўменне карыстацца першаснымі сродкамі пажаратушэння вельмі важныя. А такі просты прыбор як аўтаномны пажарны апавяшчальнік зможа зберагчы не толькі маёмасць, але і самае каштоўнае, чалавечае жыццё, - падвёў вынік сустрэчы Аляксандр Ігаравіч.