На абласным свяце рамёстваў Міншчыны “Слуцкія паясы” прымалі ўдзел майстры народнага аб’яднання майстроў “Скарбніца” Валожынскага раённага Цэнтра культуры. На цэнтральнай плошчы горада была прадстаўлена выстава беларускага пояса Валожынскага рэгіёна з правядзеннем майстар-класа майстрам Наталляй Хаванскай. У свяце прымалі ўдзел майстры: Ірына Капуста – кераміка; Наталля Рэўт – выцінанка; Раіса Малютка – ткацтва на кроснах; Іосіф Матус – жывапіс.
У гэты ж дзень у г.Слуцк на дзіцячай пляцоўцы “Чароўны свет дзяцінства” адбылося абласное свята-конкурс “Беларуская лялька”. Наш раён прадстаўлялі майстар Наталля Лукашык з пяцігадовай дачкой Мар’янай. Па выніках конкурсу былі ўзнагароджаны дыпломамі і каштоўнымі падарункамі Н.Лукашык (дыплом І ступені “за асабісты ўклад і творчае развіццё традыцый лялечнага мастацтва на ІV свяце-конкурсе “Беларуская лялька”) Мар’яна (дыплом “за творчы дэбют у галіне лялечнага мастацтва на ІV свяце-конкурсе “Беларуская лялька”).