Бібліятэкар Суднікаўскай сельскай бібліятэка Мойса Ж.Я. арганізавала для сваіх маленькіх чытачоў незвычайны занятак, сэнс якога заключаецца ў стварэнні унікальных малюнкаў на снезе.
Нетрадыцыйная тэхніка малявання яркімі фарбамі на снезе (пластыкавыя бутэлькі з краскай розных колераў) – вельмі займальны занятак для дзяцей, ад якога іх адарваць не так проста. Гэта і новая крыніца натхнення, і новыя магчымасці для творчага самавыяўлення. Маленькія мастакі незвычайна задаволеныя, калі на белым снезе з'яўляюцца вясёлыя рознакаляровыя малюнкі і заўсёды ў захапленні ад вынікаў сваёй творчасці.
Вось так, дзякуючы ініцыятыве бібліятэкара маленькія жыхары Суднікаў не толькі цікавыя кніжкі ў бібліятэцы чытаюць, але яшчэ і малююць. Прычым не толькі ў альбомах звычайнымі фарбамі, але і на снезе – незвычайнымі.
