Дзень быў устаноўлены ЮНЭСКА ў 1999 годзе з мэтай спрыяць моўнай і культурнай разнастайнасці ды шматмоўю.
Аддзелам бібліятэчнага маркетынгу ДУ “Валожынская цэнтральная раённая бібліятэка” была падрыхтава раённая бібліятэчная акцыя “Размаўляй са мной па-беларуску!” удзел у якой прымалі ўсе бібліятэкі раёна.
У гэты дзень з карыстальнікамі бібліятэкары размаўлялі толькі на беларускай мове, афармлялі кніжныя выставы, на якіх размясцілі мастацкія творы беларускіх песняроў Я. Коласа, Я. Купалы, М. Танка, М. Багдановіча, І. Мележа і іншых; энцыклапедычныя выданні па гісторыі беларускага кнігадрукарства, выданні пра беларускіх асветнікаў, паэтаў, мастакоў і іншых дзеячаў культуры і мастацтва нашай Бацькаўшчыны.
У кожнай бібліятэчнай установе ладзіліся мерапрыемтвы з нагоды свята: Валожынская дзіцячая бібліятэка запрасіла школьнікаў сярэдняга ўзросту на гульню-віктарыну “Таямніцы родных слоў”; гульня-падарожжа “Любі, шануй, ведай, роднае слова” прайшла ў Івянецкай гарпасялковай бібліятэцы; бібліятэкар Суднікаўскай сельскай бібліятэкі ў межах раённай акцыі наведала ДУА “Суднікаўская сярэдняя школа”; літаратурная гадзіна “Каб бацькоўская мова квітнела і цвіла” прайшла ў Гародзькаўскай сельскай бібліятэцы і яшчэ шмат іншых і цікавых мерапрыестваў у кожнай установе.
Для акцыі аддзелам была падрыхтава друкаваная прадукцыя – стыкеры, якія атрымоўвалі наведвальнікі бібліятэк.
