“ПАД ЗОРКАЙ ПАЭЗІІ”
літаратурна-краязнаўчы праект,
прысвечаны
Году малой радзімы
Літаратурнае краязнаўства сёння лічыцца адным з асноўных напрамкаў у рабоце бібліятэк. Многае звязвае чалавека з месцам, дзе ён нарадзіўся, вырас, дзе спазнаў першыя ўрокі жыцця. Разнастайная і цікавая літаратурна-краязнаўчая праца спрыяе фарміраванню высокіх патрыятычных і маральных прынцыпаў, выхаванню любові да літаратуры, мастацкага слова, вучыць разумець сапраўднае мастацкае слова, выхоўвае любоў да сваёй Радзімы, вучыць шанаваць яе мінулае і берагчы яе.
Аддзелам бібліятэчнага маркетынгу ДУ “Валожынская цэнтральная раённая бібліятэка” і народным літаратурна-мастацкім аб’яднаннем “Рунь” ДУК “Валожынскі раённый цэнтр культуры” распрацаваны літаратурна-краязнаўчы праект “Пад зоркай паэзіі”.
Праект накіраваны на даследванне паэтычнай літаратурнай спадчыны Валожыншчыны праз знаёмства з біяграфіяй і творчасцю паэтаў і ставіць перад сабой задачы:
- пазнаёміць валожынцаў з жыццём і творчасцю мясцовых паэтаў, абудзіць у іх цікавасць да краязнаўчай літаратуры;
- абудзіць цікавасць да паэзіі, выхаваць пачуццё гонару за Валожынскую зямлю, абапіраючыся на творчасць нашых паэтаў;
- выхаваць любоў і павагу да сваёй малой радзімы.
Праект складаецца з цыкла мерапрыемстваў, якія маюць розны фармат, тэматычную накіраванасць і мэтавую аўдыторыю.
Першым мерапрыемствам у рамках праекту, менавіта у Сусветны дзень паэзіі – 21 сакавіка, стала сустрэча-успамін “На крылах паэзіі” па творчасці былых удзельнікаў народнага літаратурна-мастацкага аб’яднання “Рунь” – Антона Анатольевіча Гедроіця, Івана Міхайлавіча Асіпацкага і Мікалая Андрэевіча Палякова.
На мерапрыемстве гучалі вершы творцаў, песні, пакладзеныя на іх словы. Напрыканцы сустрэчы прысутныя ўшанавалі іх памяць хвілінай маўчання.
