У Суднікаўскай сельскай бібліятэцы 21 сакавіка прайшла інфармацыйная гадзіна пад назвай “Хатынь” да 75-годдзя Хатынскай трагедыі. Навучэнцы школы пазнаёміліся з трагічнымі падзеямі, якія адбыліся на беларускай зямлі ў час вялікай Айчыннай вайны 22 сакавіка 1943 года.
…Прайшлі гады. І ўстаў на спаленай зямлі бронзавы жыхар Хатыні. Асцярожна трымае ён сына. Схіліўшы галовы, доўга стаяць перад ім людзі. Звоняць званы Хатыні… І плыве гэты жалобны звон над ціхімі бярозавымі гаямі і сасновымі барамі, над сонечнымі палямі і сінімі азёрамі…Ён напамінае людзям пра мінулае, пра тое, што ніколі не павінна паўтарыцца.
Да мерапрыемства была арганізавана выстава “Памяць сэрца”. Школьнікам парэкамендавалі літаратуру пра Хатынскую трагедыю.
