У першы дзень лета у Івянецкай гарпасялковай бібліятэцы прайшлагульнёва-забаўляльная праграма “Дзяцінства маё – краіна запаветная”.
Дзень абароны дзяцей – першае свята ў час летніх канікулаў. Таму падарункам для дзяцей стала мерапрыемства прысвечанае Міжнароднаму дню аховы дзяцей. Мерапрыемства было арганізавана, як сумеснае для бацькоў і дзяцей. Вядучыя прапанавалі дзецям і іх бацькам павандраваць па станцыях “Загадкіна”, “Лясная”, “Музычная”, “Літаратурная”. На кожнай станцыі ўсім прысутным была прадстаўлена магчымасць праявіць сябе ў адгадванні загадак, выкананні песеняў пра лета, а таксама паказаць свае веды пра раслінны свет Беларусі і, зразумела ж, творы мастацкай літаратуры.
