13 чэрвеня ўдзельніцы народнага літаратурна-мастацкага аб’яднання “Рунь” Валожынскага раённага цэнтра культуры паэтэсы Валянціна Гіруць-Русакевіч і Марыя Шакун наведаліся ў аздараўленчы лагер, які працуе пры ДУА “Яршэвіцкі НПК дзіцячы сад-сярэдняя школа”. Сустрэча была прысвечана Году малой радзімы і праходзіла ў рамках акцыі “Лета з добрай кнігай”. З цікавасцю слухалі хлопчыкі і дзяўчынкі разважанні пісьменніц пра малую радзіму, падмацаваныя вершамі, дружна адгадвалі іх вершаваныя загадкі. З падзякай за сустрэчу школьнікі падаравалі паэтэсам-зямлячкам прыгожыя кветкі з роднай зямелькі.
