Дзяржаўная ўстанова “Валожынская цэнтральная раённая бібліятэка” далучаецца да мерапрыемстваў, прысвечаных гісторыі і культуры вобласці.
Аддзел бібліятэчнага маркетынгу Валожынскай цэнтральнай раённай бібліятэкі прадстаўляе праект
“80 ЦІКАВЫХ ФАКТАЎ АБ МІНСКАЙ ВОБЛАСЦІ”
у рамках якога мы будзем публікаваць на сайце Валожынскага райвыканкама займальныя, а часам і нечаканыя факты аб гісторыі, прыродзе, людзях Мінскай вобласці і многім іншым.
Сачыце за нашым праектам і ў вас з’явіцца яшчэ 80 падстаў больш любіць сваю малую радзіму і ганарыцца ёй.
ФАКТ 68
МІЖНАРОДНЫ ФЕСТЫВАЛЬ ЗДАРОЎЯ “SHIMKO ЗБІРАЕ СЯБРОЎ”
Міжнародны фестываль здароўя "Shimko збірае сяброў", праводзіца летам на беразе ракі Іслач, пад Ракавам (Валожынскі раён).
Кірыл Шымко - беларускі стронгмэн, рэкардсмен "Кнігі рэкордаў Гінеса", адзін з самых моцных людзей Беларусі, а акрамя таго, папулярызатар ідэй актыўнага, здаровага ладу жыцця і аб'яднання яго прыхільнікаў. Арганізатары фестывалю - Міністэрства спорту і турызму Рэспублікі Беларусь, Мінаблвыканкам і ГА «Будзь здаровы!"
Чым цікавы і незвычайны фестываль?
Гэта магчымасць весела і з карысцю правесці час з сям'ёй, блізкімі і сябрамі. Кожны госць знойдзе сабе забаву: катанне на паветраных шарах, матацыклах, атракцыёнах... Ёсць магчымасць наведаць цырк «Шапіто», розныя спартыўныя майстар-класы, папарыцца ў палявой лазні, прыняць удзел у конкурсах з розыгрышамі каштоўных прызоў і многае-многае іншае.
ФАКТ 69
РЭСПУБЛІКАНСКІ ГАРНАЛЫЖНЫ ЦЭНТР ”СІЛІЧЫ”
Рэспубліканскі гарналыжны цэнтр "Сілічы" - шматфункцыянальны аб'ект, на тэрыторыі якога знаходзяцца гарналыжныя трасы, універсальная спартыўная зала (каток), пункты пракату спортінвентара і абсталявання, зона адпачынку «Лясное возера», картадром, гасцінічны і аздараўленчы комплексы, пейнтбольныя пляцоўкі, аб'екты грамадскага харчавання.
ФАКТ 70
ГАРНАЛЫЖНЫ ЦЭНТР “ЯКУЦКІЯ ГОРЫ”
Гарналыжны цэнтр "Якуцкія горы" размешчаны ў Дзяржынскім раёне ў 37 км ад Мінска, непадалёк ад самай высокай кропкі Рэспублікі Беларусь "Гара Дзяржынская".
Гэта адна з маляўнічых далін Мінскага ўзвышша.
Цэнтр прапануе якасны адпачынак, які ўключае ў сябе максімум неабходнага для правядзення масавых мерапрыемстваў.
