У першую суботу, 3 чэрвеня 2017г, вёска Янушкавічы Пяршайскага сельсавета адзначала сваё свята. Жыхары вельмі актыўна ўдзельнічалі ў яго падрыхтоўцы і правядзенні.
Былі наладжаны выставы даўнейшых прадметаў хатняга побыту, кулінарных вырабаў. Па традыцыі ўшаноўваліся найстарэйшы і самы юны жыхары, гаспадары лепшага падворка, юбіляры залатога вяселля, ветэраны працы і ветэраны Вялікай Айчынай вайны.
Прадстаўнікі мясцовай гаспадаркі павіншавалі жыхароў, уручылі падарункі. Артысты-аматары Пяршайскага сельскага Дома культуры дарылі ўсім прысутным свае песні, жарты, пажаданні.
І хоць урачыстая частка закончылася, але само свята з яго песнямі , танцамі яшчэ доўгі час працягвалася. Арганізатары, вяскоўцы і госці засталіся задаволенымі і атрымалі на будучае зарад добрага настрою.
