23 сакавіка для вучняў 3 “Б” кл. Ракаўскай СШ супрацоўнікамі Ракаўскага ЦНТ была праведзена гульнёва-пазнавальная праграма “Агу!Вясна!Агу!Красна!”. Своеасаблівы ўрок фальклора распачаўся з гутаркі пра святы вясновага перыяду. Затым вучні загадвалі і разгадвалі загадкі пра птушак. Пасля знаёмства з традыцыйнай дудой, з дадазволу старэйшых (так як гэта пераказвае традыцыя), усе накіраваліся на абрадавую пляцоўку, дзе і прымянілі атрыманыя тэарытычныя веды: вешалі на дрэўца загадзя зробленых птушак, гукалі вясну, ладзілі карагоды. Напрыканцы ўсе з задавальненнем ласаваліся традыцыйным печывам у выглядзе птушак.


