12 красавіка ў раённым цэнтры культуры адбылася святочная канцэртна- тэатралізаваная праграма “Вялікдзень - свята святаў!”
На працягу мерапрыемства гледачы сталі ўдзельнікамі валачобнага абраду. Да Гаспадара і Гаспадыні, ролі якіх выканалі Антаніна Шадрына і Валерый Мазура, па чарзе з песнямі і віншаваннямі заходзілі валачобнікі: удзельнікі народнага хору ветэранаў працы “Спяваючыя сэрцы”, салісты РЦК, удзельнікі народнага гурта народнай песні “Сваякі”, народнага гурта народнага гумару “Дубінскія фанабэры”. Гледачы змаглі паўдзельнічаць у велікодных гульнях, паспяваць вясёлыя жартоўныя прыпеўкі і атрымаць вялікодныя пачастункі.
