10.10.2018г. на базе раённага цэнтра культуры прайшло пашыранае паседжанне клуба ветэранаў працы «Верас». Адкрылі паседжанне салісты раённага цэнтра культуры музычным віншаваннем жанчын клуба з Днём Маці. Цікава прашла сустрэча з членам саюза пісьменнікаў В.Гіруць-Русакевіч. Яна прачытала свае вершы пра маці, малую радзіму. Не засталіся раўнадушнымі да такой тэмы ўдзельнікі і госці клуба. У іх выкананні гучалі і песні, і вершы. За кубачкам гарбаты была магчымасць пагутарыць, падзяліцца думкамі, успомніць аб былым. Завяршылася паседжанне танцавальна –забаўляльнай праграмай з гульнямі, песнямі , танцамі, ў якіх усе прысутныя прымалі самы актыўны ўдзел.


