Першым на шляху камісіі быў Бабровіцкі культурна-спартыўны цэнтр. Сапраўднае свята зладзілі работнікі ўстановы для сваіх юных наведвальнікаў. “Ля самавара на імяніны”, пад такой назвай адзначалі День імянінніка маленькія жыхары аграгададка “Бабровічы”. Уразілі па -святочнаму ўпрыгожаная сцэна і зала, выставы работ удзельнікаў гурткоў, музычныя падарункі імяніннікам, гульні, конкурсы з казачнымі персанажамі і, вядома ж, з сюрпрызам святочны торт.
Работнікі Дорскага сельскага дома культуры прапанавалі гледачам канцэртную праграму складзеную па восеньскіх матывах. Салісты, дарослыя і маленькія, удзельнікі танцавальных калектываў, падаравалі прысутным добры настрой. Падабаліся выставы вырабаў удзельнікаў гурткоў па дэкаратыўна-прыкладному мастацтву з салёнага цеста, кіраўніком якога з’яўляецца майстар сваёй справы Вольга Валер’еўна Арлавец.
Пераступаючы парог Пугачоўскага сельскага дома культуры прыемна ўразіла прыгожая выстава работ удзельнікаў гурткоў “Умелыя ручкі” і “Фантазёры”, кіраўніком якіх з’яўляецца Ганна Францаўна Янчэўская. Юная пара абаяльных вядучых дастойна прадстаўляла ўдзельнікаў аматарскіх аб’яднанняў, спевакоў, чытальнікаў. Кожнае выступленне ўдзельнікаў канцэртнай праграмы “В вихре творчества” гледачы сустракалі апладысментамі.
Адзіны ў раёне Суднікаўскі сельскі клуб знайходзіцца ў аграгарадку “Суднікі”. Сваю творчасць прадаманстравалі ўдзельнікі і гэтай установы. Спадабаліся салісткі фальклорнага гуртка «Крынічка» Віялета Сяўрук і Софія Янушкевіч, якія вельмі эмацыянальна выконвалі беларускія народныя песні, удзельнікі вакальнага гуртка “Музычны калейдаскоп”. Юныя акцёры тэатральнага гуртка прадставілі сцэнічныя мініяцюры, байку.
Удзельніцы вакальнага гуртка Тамара Багдановіч і Жана Мойса пранікнённа спявалі песні, а выстава вырабаў з бісера пазнаёміла з творчасцю гурткоўцаў “Бусінка”.
У цэлым, па выніках творчых справаздач, праца клубных устаноў раёна, ацэнена камісіяй станоўча.
