28 лістапада выхаванцы дзіцячага садка “Сонейка” наведаліся ў Ракаўскі ЦНТ. Для іх была арганізавана экскурсія. Напачатку дзеці пазнаёміліся з тэхналагічным працэсам апрацоўкі ільну, з прыладамі, якія былі задзейнічаны ў гэтым працэсе, а таксама самі паспрабавалі памяць, патрапаць кудзелю, адпрасаваць гатовую тканіну. Далей праграма працягвалася ў зале, дзе дзеці пазнаёміліся з традыцыйнымі музычнымі інструментамі, а таксама паспявалі і патанчылі.