Volozhin Region
Executive Committee

Для павышэння ўзроўню бяспекі насельніцтва ў Валожынскім раёне пастаянна праводзяцца рэйды ў жылым сектары. Пад пільнай увагай знаходзяцца сем’і, якія выхоўваюць дзяцей, асобы, якія вядуць асацыяльны лад жыцця, а таксама адзінокія пажылыя грамадзяне.

Удзельнікі рэйдаў сутыкаюцца з такімі нядбайнымі гаспадарамі, якія не разумеюць, якую бяду можа прынесці іх халатнасць і нежаданне трымаць сваё жыллё ў належным парадку. Гэта ў першую чаргу тычыцца асоб, якія злоўжываюць спіртнымі напоямі. Але ў той жа час радуе і тое, што паўторна наведваючы некаторыя сем'і, работнікі райаддзела назіраюць змены ў лепшы бок. Напрыклад, пры наведванні сям’і Лугоўскіх па вуліцы Набярэжнай у Валожыне парадавала тое, што парушэнні, на якія было ўказана гаспадыні пры папярэднім абследаванні, былі ліквідаваны: вызвалена электрычная праводка з-пад шпалер, прыведзены ў рабочы стан аўтаномны пажарны апавяшчальнік.

Размаўляючы з жыхарамі горада і раёна, удзельнікі рэйдаў вялікую ўвагу надаюць праблеме пакідання дзяцей без нагляду, прыводзяць прыклады халатнасці дарослых, якая прывяла да трагедыі – страты дзяцей. І, як напамін пра адказнасць за жыцці малых, уручаюць «Памяткі бацькам».

Амаль сотня юнакоў была запрошана ў раённы Цэнтр культуры на традыцыйны Дзень прызыўніка.

Мерапрыемства падрыхтавалі раённы ваенны камісарыят, мясцовая воінская часць, члены Беларускага саюза афіцэраў, аддзел ідэалагічнай работы, культуры і па справах моладзі райвыканкама, а таксама работнікі культуры і пракуратуры. З наказам сумленна ставіцца да выканання свяшчэннага доўгу перад Радзімай выступіла маці будучага салдата тэрміновай службы Мікіты Карпечанкі А. М. Унучак.

У маленстве кожны хлапчук марыць як мага хутчэй апрануць ваенную форму, трэніруецца маршыраваць са “зброяй” у руках і ўяўляе сябе героем. Але з гадамі гэты запал некаторыя губляюць. Праўда, у нашым раёне, як зазначыў намеснік пракурора А. В. Жукоўскі, “ухілістаў” няма, што сведчыць пра належны ўзровень патрыятычнага выхавання ў маладзёжным асяроддзі. Вершы пра ваенныя подзвігі, песні пра Радзіму, моцную мужчынскую дружбу гучалі з вуснаў цяперашніх салдат – сяржантаў Рамана Шабуні і Уладзіслава Грыцэнкі. Тыя, хто рыхтуеццаім на змену, не цураліся выходзіць на сцэну, каб паспытаць свае сілы ў ваенным умельстве. Прызыўнікі з Валожына Юрый Віткоўскі і Павел Касцюкевіч амаль і не ўступілі вопытным воінам у зборцы аўтамата і чыстцы бульбы. А юнак Дзмітрый, які з-за сціпласці сваё прозвішча не назваў, 32-кілаграмовую гіру падымаў нават з большай лёгкасцю, чым ваеннаслужачы.

Нездарма беларускіх хлопцаў наперабой бралі ўсе воінскія часці і падраздзяленні былога Савецкага Саюза. Пра гэта нагадаў падпалкоўнік запасу, намеснік старшыні раённага аддзялення Беларускага саюза афіцэраў У. У. Сёмін. Уладзімір Уладзіміравіч трыццаць гадоў быў кадравым ваенным, служыў у розных кутках вялікай краіны, і заўсёды ўраджэнцы нашай сінявокай бацькаўшчыны вызначаліся дысцыплінаванасцю, добрай фізічнай падрыхтоўкай і сумленным стаўленнем да высокай місіі абаронцы Айчыны. Сучасныя юнакі павінны быць годнымі прадаўжальнікамі воінскай славы дзядоў, прадзедаў, бацькоў. І, як сказаў У. У. Сёмін, памятаць, што “прызыўнік – крутое слова, прызыўнік – значыць мужчына…”

Алена ЗБІРЭНКА

На базе Мінскага раёна прайшоў трэці, заключны этап абласнога марафону-конкурсу “Срэбная нітка”, які прысвячаўся 70-годдзю Вялікай Перамогі.

Сюды з’ехаліся прадстаўнікі тэрытарыяльных цэнтраў сацыяльнага абслугоўвання насельніцтва,  іх аддзяленняў дзённага знаходжання для грамадзян пажылога ўзросту, аматарскія ветэранскія калектывы. Шчыра віталі ўдзельнікаў Вялікай Айчыннай вайны, якія змаглі прыняць удзел у складзе дэлегацый.

Дэманстраваліся слайды, дыяфільмы, гучалі прамовы, песні, вершы, жарты, пажылыя людзі паказвалі, на што яны здольныя ў творчым плане. Арганізатары прэзентацыі ад нашага раёна не адышлі ад сваёй традыцыі. У кароткай праграме ў вершаванай форме, на роднай мове змаглі расказаць і паказаць на экране свае набыткі. У справаздачу ўдала ўпісалася выступленне ўдзельніка Вялікай Айчыннай вайны, 90-гадовага ветэрана Аляксея Іванавіча Санталава. Ён сам сабе акампаніраваў і спяваў песню “Ехаў я з Берліна”.

Па выніках марафону-конкурсу ДУ “Валожынскі тэрытарыяльны цэнтр сацыяльнага абслугоўвання насельніцтва” ўзнагароджана граматай камітэта па працы, занятасці і сацыяльнай абароне Мінаблвыканкама і Мінскай абласной арганізацыі ветэранаў. Яна была ўручана кіраўніку сацыяльнага цэнтра Г. Ф. Рай.

На працягу трох дзён у Ракаве праходзіў IV адкрыты рэгіянальны фестываль-конкурс фартэпіяннай музыкі імя М. Грушвіцкага, ініцыіраваны калектывам педагогаў мясцовай дзіцячай школы мастацтваў пры падтрымцы аддзела ідэалагічнай работы, культуры і па справах моладзі райвыканкама. Сёлета ён сабраў рэкордную колькасць удзельнікаў  — 140, якія прадстаўлялі больш за 100 навучальных устаноў рэспублікі. Узрост удзельнікаў – да 18 гадоў. Конкурсныя праслухоўванні праходзілі  ў канцэртнай зале цэнтра народнай творчасці ў наступных намінацыях: салісты, дуэты і змешаныя ансамблі. Удзельнікі былі падзелены на 4 узроставыя катэгорыі.

Сярод канкурсантаў з нашага раёна дыпламантам стала выхаванка Івянецкай ДШМ Аліна Залатар ва ўзроставай катэгорыі ад 12 да 14 гадоў (настаўнік Ірына Каўрэцкая). У намінацыі “Кампазітарскае майстэрства” дыпломам адзначана таксама вучаніца 1 класа па класе акардэона Ракаўскай ДШМ Ганна Драневіч. Настаўнік Вольга Іода вучыць дзяўчынку не толькі ігры на музычным інструменце, але дадаткова займаецца з ёй кампазіцыяй.

У Івянецкім доме-інтэрнаце для дзяцей з асаблівасцямі фізічнага развіцця падрыхтоўка да юбілею вялікай Перамогі пачалася яшчэ напачатку другога паўгоддзя. Пад кіраўніцтвам дырэктара Алены Сігізмундаўны Петрашкевіч быў распрацаваны план разнастайных мерапрыемстваў, многія з іх ужо выкананы.

Напрыклад, членамі гурткоў “Юны карэспандэнт” і “Выяўленчае мастацтва” зроблены стэнд “Калейдаскоп гістарычных фактаў”, на якім можна азнаёміцца з асноўнымі падзеямі, што адбыліся ў гады вайны. У кожным класе класнымі кіраўнікамі і выхавацелямі праведзены ўрокі мужнасці, арганізаваны прагляд дакументальных і мастацкіх кінастужак ваеннай накіраванасці, ідзе да завяршэння конкурс малюнкаў “Не пагаснепамяці свечка”.

Старэйшыя выхаванцы прывялі ў парадак брацкую магілу забітых і пахаваных тут жыхароў Івянца і наваколля. Многія з нас у чарговы раз ужо пабывалі  і ля помніка ў цэнтрыпасёлка, дзе разам са сваімі педагогамі правялі імправізаваныя ўрокі памяці. У планах таксама яшчэ значыцца наведванне Музея Вялікай Айчыннай вайны ў Мінску і правядзенне ўрачыстага вечара напярэдадні 9 мая.

Паважаныя работнікі культуры і ўдзельнікі калектываў аматарскай творчасці!

Сардэчна віншуем вас з прафесійным святам - Днём работнікаў культуры! Нацыянальная культура з’яўляецца невычэрпнай крыніцай мудрасці, духоўнасці, багатых народных традыцый, той непераадольнай сілай, якая аб’ядноўвае ўсіх нас і напаўняе сэрца любоўю да нашай велічнай і прыгожай Айчыны.

Людзі вашай прафесіі - яркія, творчыя, ініцыятыўныя. Гэта работа для тых, хто мае талент і прызванне, моцны характар і вялікую душу. Менавіта вашымі намаганнямі высокіх прафесіяналаў – майстроў мастацтва, артыстаў, мастакоў, творчых работнікаў бібліятэк,  музеяў, - падтрымліваюцца высакародныя традыцыі асветніцтва, захавання і памнажэння духоўнай спадчыны Роднага краю.

Віншуем вас з прафесійным святам і выказваем шчырую ўдзячнасць за патрэбную грамадству працу, за ваша прафесійнае майстэрства. Хай спадарожнічаюць вам прызнанне і падзяка гледачоў і наведвальнікаў. Упэўнены, што вашы натхненне, энергія, ініцыятыва і надалей будуць скіраваны на зберажэнне і развіццё гісторыка-культурнай спадчыны роднага краю, далейшы росквіт усіх відаў мастацтва ў імя адраджэння духоўнасці, раскрыцця творчага патэнцыялу нашага таленавітага народа.

Жадаем усім моцнага здароў’я, шчасця, сямейнага дабрабыту, радасці сэрдцу, цяпла душы, аптымізму, творчых поспехаў і вынаходак!

Раённы выканаўчы  камітэт.

Не каждый знает, что на территории Республики Беларусь действует единая дежурно-диспетчерская служба (ЕДДС). В данную службу можно обращаться за помощью в случае возникновения чрезвычайных ситуаций или других происшествий. Если Вам или кому-то другому угрожает опасность, набирайте номер «112». Диспетчер ЕДДС переадресует вызов в необходимые службы экстренного («102», «103», «104») и аварийного реагирования (жилищно-коммунального хозяйства, электросетей и другие) города, района.

Запомните! Вызов ЕДДС – по телефону «112».

С целью популяризации и пропаганды деятельности Белорусской молодежной общественной организации спасателей-пожарных и профессии спасателя-пожарного с 14 по 27 октября в республике проходит акция «Молодежь за безопасность», приуроченная ко Дню образования БМООСП. Акция проходит в учреждениях общего среднего образования, где активисты знакомят школьников с деятельностью молодежной организации, рассказывают, чем занимаются юные спасатели-пожарные, в каких мероприятиях участвуют, какие кружки посещают.

Ежегодно активисты Белорусской молодежной общественной организации спасателей-пожарных становятся инициаторами новых мероприятий, направленных на воспитание у школьников культуры безопасности. Это большая дружная семья мальчишек и девчонок, которые объединены одной общей идеей.

Юные спасатели-пожарные в свободное от учебы время проводят игровые программы в учреждениях дошкольного образования, где учат малышей правилам безопасности, оказывают шефскую помощь всем тем, кто в ней нуждается, проводят профилактические акции. Ребята рассказывают о правилах пожарной безопасности, отвечают на интересующие жителей вопросы и раздают красочные памятки и листовки.

Паважаныя педагогі Валожыншчыны!

         Сардэчна віншуем вас з прафесійным святам – Днём настаўніка!

         У гэты дзень самыя цёплыя словы хочацца сказаць настаўнікам і выхавальнікам,  кіраўнікам педагагічных калектываў, усім, хто сёння забяспечвае арганізацыю вучэбнага і выхаваўчага працэсу, хто клапоціцца аб развіцці, здароўі і будучыні нашых дзяцей.

         Ад вашай мабільнасці, з’яднанасці і перакананасці ў правільным выбары залежыць будучае. Ваша педагагічнае майстэрства, веды і інтэлект, імкненне да творчага пошуку, цярпенне і настойлівасць у многім вырашаюць шляхі фарміравання новай асобы, здольнай пастаянна павышаць свой адукацыйны і прафесійны ўзровень, плённа працаваць, эфектыўна і паспяхова весці справы, творча мысліць і прымаць адказныя рашэнні, садзейнічаць росквіту сваёй дзяржавы.

          Выказваем вам словы ўдзячнасці за вернасць прафесіі, мудрасць і пастаянную гатоўнасць раскрыць сваю душу для кожнага дзіцяці.

         Жадаем вам, стабільнасці ў жыцці, творчых поспехаў, натхнення, павагі калег, вучняў, выхаванцаў  і іх бацькоў, нязгаснага жадання несці веды дзецям і самім спасцігаць новае. Няхай усведамленне важнасці і неабходнасці вашай працы для развіцця грамадства надае вам сілы ў выкананні высакароднай справы. Шчасця вам, здароўя, творчых здзяйсненняў, таленавітых і працавітых выхаванцаў, жыццёвага аптымізму, бадзёрасці і заўсёднага добрага настрою!

Раённы выканаўчы камітэт.

Раённы Савет дэпутатаў.