Адрес:

222357, г. Воложин, пл. Свободы, 2

Телефон приемной:

+375 (1772) 5-55-72

Режим работы:

с 8.00 до 13.00 и с 14.00 до 17.00 по будням

горячая линия: +375 (1772) 5-55-72

У Мінаблвыканкаме прайшла выніковая калегія Галоўнага ўпраўлення па адукацыі

18.02.2021

На пленарным пасяджэнні, якое прайшло 23 лютага, прысутнічалі намеснік старшыні Мінаблвыканкама Іван Станіслававіч Маркевіч, член Савета Рэспублікі Нацыянальнага сходу Рэспублікі Беларусь Каліна Віктараўна Капуцкая, начальнік Галоўнага ўпраўлення агульнай сярэдняй, дашкольнай і спецыяльнай адукацыі Міністэрства адукацыі Рэспублікі Беларусь Марыя Станіславаўна Кіндзірэнка, старшыня Мінскай абласной арганізацыі Беларускага прафсаюза работнікаў адукацыі і навукі Таццяна Валянцінаўна Апраніч.

Перад удзельнікамі калегіі, прысутнымі ў аблвыканкаме, у студыях раёнаў вобласці і горада Жодзіна, выступіў начальнік Галоўнага ўпраўлення па адукацыі абласнога выканаўчага камітэта Мікалай Мікалаевіч Башко. Ён дэталёва прааналізаваў дзейнасць сістэмы адукацыі Міншчыны ў 2020 годзе, адзначыў перспектыўныя задачы работы, вызначаныя Праграмай сацыяльна-эканамічнага развіцця Рэспублікі Беларусь на 2021-2025 гады, выступленнем кіраўніка дзяржавы на Усебеларускім народным сходзе.

«У сферы адукацыі ў цэнтры ўвагі – развіццё асобаснага патэнцыялу падрастаючага пакалення, высокі ўзровень ведаў. Маладзёжная палітыка будзе сканцэнтравана на фарміраванні прававых, культурных і маральных каштоўнасцей у маладога пакалення. Павышэнне канкурэнтаздольнасці адукацыі, патрыятычнае выхаванне, захаванне сямейных традыцый – адны з галоўных задач адукацыі», – адзначыў М. М. Башко.

На калегіі, сярод іншага, гаварылася: стабільнае фінансаванне стала асновай устойлівага функцыянавання і развіцця сістэмы адукацыі. З бюджэту ў 2020 годзе было накіравана 907541236,93 тыс. рублёў (29,89% ад кансалідаванага бюджэту вобласці).

Сярэдняя заработная плата работнікаў склала 878,91 рубля на аднаго сярэдняспісачнага работніка (117,63% да адпаведнага перыяду 2019 года); педагагічных работнікаў – 1030,62 рубля, настаўнікаў – 1078,12 рубля.

На праектаванне і будаўніцтва 17 аб’ектаў адукацыі было накіравана з абласнога бюджэту 60,1 млн рублёў і рэспубліканскага бюджэту 48,5 млн рублёў. Завершана будаўніцтва 10 устаноў дашкольнай адукацыі на 2220 месцаў, у тым ліку ў гарадскім пасёлку Івянец.

У рамках рэалізацыі праекта «Мадэрнізацыя сістэмы адукацыі Рэспублікі Беларусь» выкананы капітальны рамонт з мадэрнізацыяй ДУА «Івянецкая сярэдняя школа» і іншых устаноў адукацыі. На 2021-2025 гады ў новы праект уключана 37 устаноў на суму 9,362 млн еўра.

Для арганізацыі падвозу дзяцей цэнтралізавана набыты 40 аўтобусаў.

У ліку поспехаў сістэмы адукацыі Міншчыны і тое, што павялічылася колькасць навучэнцаў, якія атрымалі атэстаты асобага ўзору з узнагароджаннем залатым (сярэбраным) медалём. У 2020 годзе адкрыта 6 STEM-цэнтраў, арганізаваны 3 выезды мабільнага STEAM-класа. Пачалі работу 4 класы прававой накіраванасці (53 навучэнцы), у 34 ваенна-патрыятычных класах навучаюцца 333 юнакі і дзяўчаты,
у 63 спецыялізаваных па спорце класах – 1026 навучэнцаў. Агучваліся і іншыя факты, якія сведчаць пра станоўчую дынаміку развіцця галіны.

Сярод пастаўленых на бліжэйшую будучыню задач – кантроль над павышэннем якасці і даступнасці адукацыі, развіццё розных форм арганізацыі дашкольнай адукацыі для дзяцей ранняга ўзросту і стварэнне дадатковых месцаў для яе атрымання, павышэнне камфорту і бяспекі навучэнцаў, эфектыўнае развіццё адукацыйнага турызму і шэраг іншых патрабаванняў.

На выніковай калегіі ўпраўлення былі названы пераможцы абласнога конкурсу «За дасягненне высокіх паказчыкаў у развіцці адукацыі» за 2020 год. У той жа дзень узнагароды Мінскага абласнога выканаўчага камітэта, Міністэрства адукацыі Рэспублікі Беларусь, Галоўнага ўпраўлення па адукацыі Мінскага аблвыканкама атрымалі лепшыя педагогі Міншчыны.

Валожыншчына – у ліку лепшых.

Начальнік упраўлення па адукацыі, спорце і турызме райвыканкама Таццяна Мікалаеўна КРЫКАЛА адзначана Падзякай старшыні Мінскага аблвыканкама за добрасумленную плённую працу, высокі прафесіяналізм, значны асабісты ўкад у развіццё сістэмы адукацыі вобласці, а таксама ўзнагароджана Ганаровай граматай Галоўнага ўпраўлення па адукацыі Мінаблвыканкама за выніковы ўдзел у абласным конкурсе «За дасягненне высокіх паказчыкаў у развіцці адукацыі» па выніках 2020 года.

Нашаму ўпраўленню па адукацыі, спорце і турызме ўручаны Дыплом пераможцы абласнога конкурсу «За дасягненне высокіх паказчыкаў у развіцці адукацыі» ў намінацыі «Лідар у рэалізацыі кадравай палітыкі», Дыпломы лаўрэата гэтага ж конкурсу ў намінацыях «Развіццё эканомікі адукацыі» і «Лідар у стварэнні аптымальнага адукацыйнага асяроддзя».