Воложинский районный
исполнительный комитет

Адрес: 222370, Беларусь, Минская обл., Воложинский р-н, г.п. Ивенец, ул. Музейная, 2

Телефон: 63541, маб. +375295638493

Эл. адрес: Этот адрес электронной почты защищён от спам-ботов. У вас должен быть включен JavaScript для просмотра.

11 верасня 1957 г.  у г.п.Івянец быў адкрыты мемарыяльны музей

Ф.Э. Дзяржынскага.

Узгадаем некаторыя эпізоды з 60 – гадовага жыцця музея.

Першым дырэктарам музея быў Л.А. Сокал-Кутылоўскі (1957-
1958гг.). 

На працягу 37 год нязменным дырэктарам быў заслужаны работнік культуры  БССР Мікалай Сямёнавіч Карнееў  (1958 – 1995).

1969 г. Пасля капітальнага рамонту і рэканструкцыі будынка музея (замена пячнога ацяплення цэнтральным, вадзяным, паляпшэнне планіроўкі і асвячэння залаў і г.д.), была скончана пачатая ў 1968 г. вялікая праца па стварэнню новай экспазіцыі музея Ф.Э. Дзяржынскага. Мастакі-афарміцелі экспазіцыі: Э.К. Агуновіч, А.І. Рыбчынский, А.А. Царэнка і В.Г. Дзідзенка.
У новую экспазіцыю было ўключана  ледзь не на палову больш экспанатаў, чым існавала раней  - 765.
 Новая экспазіцыя музея Ф.Э. Дзяржынскага стала месціцца ў вестыбюлі, шасці залах і калідоры музея. (Агульная плошча 202,5 ​​кв.м.)
1972г. Да 95-годдзя з дня нараджэння Ф.Э. Дзяржынскага на хутары Дзяржынава былі праведзены значныя работы па добраўпарадкаванню тэрыторыі, рэстаўраваны падмуркі ўсіх пабудоў, усталяваны мармуровы бюст, мемарыяльная дошка і 49 велізарных валуноў, якія сімвалізуюць кожны год жыцця Ф.Э. Дзяржынскага. У спецыяльна пабудаваным доме побач з былым жылым домам быў адкрыты філіял музея Ф.Э. Дзяржынскага - плошча экспазіцыі філіяла склала 65 м. кв. Аформілі экспазіцыю філіяла мастакі Мінскага мастацка-вытворчага камбіната  Дзядзенка  В.Г. і Безбердый М.В.
1977г. На падставе сабраных у музеі матэрыялаў і «тэматыка-экспазіцыйнага плана» пасля завяршэння капітальнага рамонту і рэканструкцыі будынка была створана новая, цікавая і змястоўная экспазіцыя. Яна размешчана ў 6 залах, вестыбюлі і калідоры музея (агульнай плошчай 330 кв. м., з якіх экспазіцыя філіяла музея ў Дзяржынава складае 64 кв. м.).
Экспазіцыя створана мастакамі Мінскага мастацка-вытворчага камбіната Кандрацьевым У.Д. (Галоўны мастак экспазіцыі) і Квасковым В.А.

1992 г. Упраўленне культуры Мінаблвыканкама выдала загад «Аб частковай перапрафілізацыі дзейнасці  абласнога музея Ф.Э.Дзяржынскага». З гэтага часу  калектывам музея вядзецца праца над зборам і захаваннем прадметаў народнага мастацтва.

2004 г. У Дзяржынава адноўлены дом сям'і Дзяржынскіх з пастаяннай экспазіцыяй, што стала штуршком для стварэння самастойнага музея.

23 студзеня 2006 г. Музей Ф.Э.Дзяржынскага перайменаваны ў дзяржаўную ўстанову “Івянецкі музей традыцыйнай культуры”.

У наш час дзяржаўная установа “Івянецкі музей традыцыйнай культуры” шматфункцыянальны комплекс. Адміністрацыйны будынак уключае гісторыка-краязнаўчую экспазіцыю, шыкоўную арыгінальную залу керамікі і пастаянную выставу твораў карыфея нацыянальнага разьбярства Апалінара Фларыянавіча Пупко.

Але сапраўдным каштоўным дыямантам паўстае Цэнтр рамёстваў пры музеі, дзе дзейнічаюць ганчарння і майстэрня ткацтва, кузня і майстэрня мастацкай апрацоўцы драўніны з разгаляванымі пазнавальнымі экспазіцыямі па спецыфічнаму профілю. Тут праводзяцца заняткі гурткоў і ёсць магчымасць для наведвальніка акунуцца ў сакральную таямніцу стварэння твора майстрам.

У сядзібна-паркавым комплексе канца ХІХ ст. працуе музейны аб`ект “Карчма” і музей местачковага побыту. На тэрыторыі, упрыгожанай драўлянымі скульптурамі і альтанкамі-навесамі, для наведвальнікаў створаны ўмовы для  культурнага адпачынку пад шатамі старасвецкіх дрэваў.

Экспазіцыі музея працуюць:

аўторак – субота -  з 9.00 да 17.00, абедзены перапынак 13.00 – 14.00,

нядзеля - з 10.00 да 16.00, выхадны – панядзелак.

Кошт уваходных білетаў

 Экскурсійнае абслугоўванне

экскурсіі праводзяць толькі штатныя навуковыя супрацоўнікі музея 

Увага! Згодна Кодэкса Рэспублікі Беларусь аб культуры грамадзянам прадастаўляецца права бясплатнага наведвання музея-запаведніка для агляду экспазіцый, створаных на аснове ўласных музейных фондаў адзін раз у месяц -першы аўторак кожнага месяца.

Прадастаўляецца права бясплатнага наведвання музея-запаведніка для агляду экспазіцый, створаных на аснове ўласных музейных фондаў, пастаянна для:

— інвалідаў;

— ветэранаў Вялікай Айчынный Вайны;

— ваеннаслужачых тэрміновай ваеннай службы;

— грамадзян, якія праходзяць альтэрнатыўную службу;

— дзяцей да сямі гадоў;

— дзяцей-сірот;

— дзяцей, якія засталіся без апекі бацькоў;

— асоб з ліку дзяцей-сірот і дзяцей, якія засталіся без апекі бацькоў;

-асоб, з асаблівасцямі псіхафізічнага развіцця, якія атрымліваюць дашкольную, агульную сярэднюю, спецыяльную, прафесійна-тэхнічную, сярэднюю спецыяльную, вышэйшую адукацыю;

— музейных работнікаў

Апошняя пятніца кожнага месяца – уваход бясплатны.

Конец формы

Начало формы

Конец формы