25 красавіка 2025 года у Валожынскім раённым цэнтры культуры прайшла юбілейная вечарына нашага знакамітага земляка, аднаго з заснавальнікаў калектыву «Рунь», паэта-творцы Віктара Шніпа. Сама назва імпрэзы, «Валожынскія мы», падкрэсліла жыццёвыя і творчыя вытокі паэта, яго адданасць родным мясцінам, крыніцы натхнення аўтара для мноства вершаў, баладаў і дзённікавых раманаў.
Са шчырымі віншаваннямі да юбіляра звярнуліся супрацоўнік раённай газеты «Працоўная слава» К.В. Кароль, фотамастак і журналіст М.Ліннік, намеснік дырэктара ДУ «Цэнтральнай раённай бібліятэкі» Ю.Барадака. Кранальным было віншаванне ад землякоў-пугачоўцаў і музычнае прывітанне А,Малажавага на словы В.Шніпа ў аўтарскім выкананні.
Валожынцы гарачымі апладысментамі сустракалі кожнае выступленне, вітаючы гэтым свайго юбіляра-земляка.
