15 ліпеня, пасля перапынку з-за віруснай пандэміі, удзельнікі народнага літаратурна-мастацкага аб’яднання «Рунь» Валожынскага раённага цэнтра культуры зноў сабраліся ў сваёй гасцёўні, каб падзяліцца ўласнымі напрацоўкамі, разам парадавацца дасягненням сяброў па аб’яднанню, абмеркаваць бліжэйшыя планы. Самы малады ўдзельнік творчай суполкі Аляксей Мамонаў зрабіў відэазапіс, дзе кожны з прысутных на пасяджэнні чытае свае вершы, прысвечаныя малой радзіме. Гэтыя відэаматэрыялы будуць размешчаны на сайтах аддзела ідэалагічнай работы, культуры і па справах моладзі райвыканкама і Мінскага абласнога аддзялення Саюза пісьменнікаў Беларусі.
