23 верасня ў Чэрвені адбудзецца адкрыццё новага будынка краязнаўчага музея. З гэтай нагоды ўсе музеі вобласці прымаюць удзел у экспазіцыі, якая прысвечана Году малой радзімы: «Гісторыя і памяць малой радзімы». Дырэктар Валожынскага краязнаўчага музея Лоўчая Наталія Паўлаўна пазнаёміць наведвальнікаў мерапрыемства з выставай «Бенедыкт Тышкевіч – фотамастак з Налібоцкай пушчы». Экспазіцыя будзе працаваць цэлы месяц. На яе будуць запрошаны госці і ўдзельнікі абласных дажынак, якія таксама пройдуць у Чэрвені.
