Першы сюжэт прысвечаны ганчарам Івянца і івянецкай фляндроўцы. Аповед пра яе вёў Алег Канстанцінавіч Капуста. У майстэрні ганчарства Івянецкага музея майстар вытачыў некалькі вырабаў, паказаў і расказаў як выглядае івянецкая фляндроўка, адказаў на шматлікія пытанні вядучай.
Другі сюжэт здымалі ў “Музеі местачковага побыту”. Была запрошана жыхарка Івянца Бабаян Наталля Мечыславаўна з фотаздымкамі 1925-1926 гг, зробленых у маёнтку Вялае сынам Бенедыкта Тышкевіча Янам.
Здымачная група шмат працавала ў Івянцы, здымалі архітэктурныя помнікі, краявіды. Таксама наведалі дом на завулку Куйбышава, дзе знаходзіцца ўнікальны камін, зроблены са старажытнай Івянецкай кафлі.
Паглядзець перадачу можна 28 лістапада 2020 года.
