25 чэрвеня 2021 года на пляцоўцы перад Івянецкім Домам культуры прайшло гарадское Свята “Купалле”. Распачалося свята тэатралізаванай праграмай “Купала, ой да Купала”. Старшыня Івянецкага пасялковага выканаўчага камітэта Т.Я.Ліпніцкая ўручыла граматы і падарункі жыхарам паселка за лепшае добраўпарадкаванне свайго падворка. Узнагароду атрымала з рук старшыні Ксенія Рожек, як пераможца конкурса “Спляці вянок” за самы прыгожы купальскі вянок. Прадоўжылася свята канцэртам мастацкай самадзейнасці Івянецкага Дома культуры і святочнай дыскатэкай. На працягу свята працавалі дзіцячыя атракцыены і гандлевыя кропкі.
