1 верасня 2021 года ДУК “Валожынскі раённы цэнтр культуры” гасцінна разчыніў дверы для навучэнцаў школ горада. Тут іх чакала літаратурна-пазнавальная сустрэча “Слова – усяго аснова”, прыўрочаная да Дня ведаў і Дня беларускага пісьменства, якую ладзілі ўдзельнікі народнага літаратурна-мастацкага аб’яднання “Рунь”. Падчас сустрэчы дзеці і настаўнікі пачулі цікавы расповед пра гарады, што прымалі Свята беларускага пісьменства, пазнаёміліся з літаратурнай спадчынай валожыншчыны і вядома ж прымалі віншаванні з пачаткам навучальнага года ад валожынскіх літаратараў. У якасці падарунка Член Саюза пісьменнікаў Беларусі Марыя Шакун і самадзейная паэтка Галіна Гражынская чыталі свае вершы, а Дзмітрый Завацкі выканаў уласную песню.
Напрыканцы сустрэчы, і настаўнікі і дзеці, з задавальненнем прынялі ўдзел у віктарыне, дзе за правільныя адказы кожны змог атрымать невялічкі падарунак.
