У аграгарадку Доры было праведзена свята бульбы “Беларуская прыгажуня”. У свяце прымалі ўдзел з канцэртнымі праграмамі народны гурт народнага гумару “Дубінскія фанабэры” Дубінскога сельскага цэнтра культуры, самадзейны калектыў “Нарэчанька” Сакаўшчынскага сельскага цэнтра культуры і удзельнікі мастацкай самадзейнасці Дорскага сельскага дома культуры. Гучала мноства народных і эстрадных, вясёлых і душэўных песень, якія стваралі цудоны святочны настрой. Усім прасутным да спадобы прыйшлася выстава-дэгустацыя “Бульбяныя прысмакі” і выстава дэкаратыўна-прыкладнога мастацтва. На працягу свята працавалі дзіцячыя атракцыёны, быў арганізаваны продаж салодкай ваты і папкорна.
