У Ракаўскім цэнтры народнай творчасці ўдзельнікамі заслужанага аматарскага калектыву “Гасцінец” было праведзена свята Багач. У народным календары свята Багач прымеркавана да завяршэння збору ўраджаю. На вёсцы ў гэты дзень усе жыхары збіраліся талакой, перш за ўсё рабілі Багач — лубок з зернем, у сярэдзіну якога ўстаўлялася свечка. Кожны вясковец па жменьцы прыносіў зерне новага ўраджаю для Багача.
Згодна традыцыям свята удзельнікі мерапрыемства, таксама прынеслі збожжа для правядзення абраду на Багач. Арганізавалі супольнае прыгатаванне абрадавай кашы і іншых страў з новага ўраджаю. Пасля абрадавай вячэры правялі вечарыну з вясёлымі танцамі, песнямі і гульнямі.
