Свята в.Данілкі 12.06.2022г.
Багданаўскі СЦК
“Родны сэрцу куток, ты заўсёды мне мілы”… Менавіта так называлася свята вёскі Данілкі Валожынскага раёна, якое 12 чэрвеня сабрала разам людзей цікавых і працавітых. Увесь запал душы яны аддавалі сваёй справе і працай множылі славу роднага куточка. Жыхароў вёскі і гасцей свята ветліва прыняла на сваім падворку Зінаіда Раманаўна Жабко. Свята стала падставай сказаць добрыя словы самай старэйшай сяльчанцы Дануце Віктараўне Салішэўскай і маленькаму жыхару Цімафею Станкевічу. Добрага здароўя і доўгіх год жыцця пажадалі ветэранам працы, сям’і Зінаіды Раманаўны і Франца Вікенцьевіча Жабко з нагоды 25- годдзя сумеснага жыцця, імянінніцы Анне Міхайлаўне Янкоўскай. З асалодай слухалі жыхары вёскі Данілкі жарты, народныя і сучасныя песні ў выкананні самадзейных артыстаў Багданаўскага сельскага Цэнтра культуры і Вішнеўскага сельскага дома культуры.
