Ініцыятарамі і арганізатарамі мерапрыемства стала народнае літаратурна-мастацкае аб’яднанне “Рунь”, што працуе пры раённым цэнтры культуры.
За кубачкам гарбаты Зінаіда Геранімаўна распавядала падлеткам пра сваё жыццё і творчасць, пра сям’ю і настаўніцкую працу, расказвала цікавыя жыццёвыя гісторыіі і, безумоўна, чытала вершы… Вершы… яны ліліся, нібы жывая крыніца дабрыні і шчырасці, наталяючы душы сваіх слухачоў. Лёсы… падзеі… людзі… Нібы ў люстэрку часу яны пакінулі адбітак у творах Зінаіды Гасцілавіч. З заміранем сэрца і павагай слухалі паэтку дзесяцікласнікі. Пад час сустрэчы гучалі паэтычныя радкі (вершы, паэмы, пераклады) на розныя тэмы, але самай запатрабаванай і цікавай для старшакласнікаў стала тэма кахання, якую так па-майстэрску раскрывая аўтар…
Ці то ад кубачка гарбаты, ці то ад цёплай, дабразычлівай размовы нават пахмурны восеньскі дзень здаваўся светлым і цёплым. Развітваліся, як добрыя сябры, з найлепшымі пажаданнямі і надзеяй на новую сустрэчу.
