23 чэрвеня ў Івянцы прайшло народнае свята Купалле. Распачалося свята з акцыі “Купальскі вянок”, у якой прынялі ўдзел усе жадаючыя дзяўчаты. На пляцоўцы каля Дома культуры працавалі гандлёвыя кропкі, атракцыёны, праводзілася гульнёва-забаўляльная праграма “Вясёлыя забаўкі”.
Увазе івянчан быў прадстаўлены тэатралізаваны канцэрт “Купальскі карагод”, канцэрт з удзелам ансамбля “Журавінка” і эстрадных выканаўцаў. Завяршылася свята дыскатэчнай праграмай “Чароўная ноч, купальская”.
